(Un)lucky Sisters (2024)

(Un)lucky Sisters ( 2024  )

  ကံဆိုးတာလား  ကံကောင်းတာလား ပြောရခက်တဲ့ ညီအစ်မနှစ်ယောက်ရဲ့ ဇာတ်လမ်းပေါ့။ သူတို့အဖေဆုံးပြီးချိန်မှာ တစ်သက်လုံး တစ်ခါမှ မမြင်ဖူးခဲ့တဲ့ သူတို့ချင်းစတွေ့ရာကနေ ငကြောင်၂ကောင်ပေါင်းပြီး ကယောင်တွေ စလုပ်ကြပါတယ်။ သူတို့အဖေရဲ့အမွေဖြစ်တဲ့ တိုက်ခန်းကြီးကို သူတို့အမွေရလိုက်ပေမဲ့ အမှုပြဿနာတွေရှုပ်နေတာကြောင့်  မြင်သာမြင်မကြင်ရဖြစ်နေရာကနေ ခဏလောက်တော့ သွားနေဦးမယ်ဆိုပြီး သူတို့အဖေရဲ့ တိုက်ခန်းမှာ  သွားနေရင်း သူတို့အဖေဝှက်ထားတဲ့ တစ်ခန်းလုံးအပြည့် ငွေမဲတွေကို တွေ့ရာကနေ ဇာတ်စရှုပ်သွားတယ်။

ဒီငွေတွေဟာ  သူတို့အဖေငွေတွေလား သူတို့အဖေကို တစ်ယောက်ယောက်အပ်ထားတဲ့ငွေတွေလား ဘာမှမသေချာခင်မှာပဲ သုံးရင်းဖြုန်းရင်း ပိုက်ဆံရဲ့ပိုင်ရှင်အစစ်လို့ သူတို့လျှောက်ထင်နေတဲ့ မာဖီးယားတွေ ရာထူးရာခံကြီးပုဂ္ဂိုလ်တွေနဲ့ ကြုံလာရာကနေ ပိုက်ဆံတွေကို လှည့်ထုတ်ဖို့လုပ်ရင်း ဖြစ်လာတဲ့အလွဲတွေကို ကြည့်ရမယ့် ရုပ်ရှင်ပါပဲ။ ဇာတ်လည်း သိပ်မဆိုးသလိုပဲ စပိန်ရုပ်ရှင်ဆိုတော့ ကြည့်ရလည်း မဆိုးပါဘူး။